The end of Year 1

終於都完左個Spring 既final, 亦都意味住我year 1 既完結。對我黎講, 我覺得過左year 1 係一件開心既事, 因為我唔鐘意做freshman, 我唔鐘意做新人既感覺..況且係呢度讀,   year 1 同year 2,我諗個差別都唔會好大..

係呢個sem, 我都讀左好多course, overload 左兩個course, 6個credits, 星期一至五, 我都冇時間食我既lunch, 每日都係放左之後先食番個tea..雖然係咁, 但係我都好鐘意呢個sem 既time table, 日日都10點/10點半第一堂, 直落到3點/3點半就完, 完全冇gap, 咁就可以慳番好多時間...做自己鐘意做既野喇

Spring sem, 其實我真係覺得過得好快, 可能係過得充實左啦, 功課,mid term, tests, projects 都比fall sem 多左好多, 自己開始識搵人要source..抄答案..本來開頭都唔想咁做...但係當我對住一條功課題目,佢既文字唔夠兩行, 但係自己望左6個鐘都唔識做既時候...我真係不得不服輸啦..haha

好, 等我睇番spring sem 做過d 咩先

係呢個sem 開始之前, 我考到車牌啦^^ 不過好慘, 考完到而家都冇車比我用下...搞到我而家好似都唔係好記得點開車...><

係呢個sem, 我apply 左做engineering school 既student ambassadors, attend 左佢個training course, 學到好多communication skills 同埋ust 既data...之後仲係chem eng 既mass session 幫手, 去左商中既engineering day 幫手..之後仲有1個sem 既serving period , 不過, 其實都幾好玩丫~

之後就講到LABU, 最憎既野, 成年係咁present.. 做project...本來去到最後果個case, 做完就諗住算, 點知個instructor 揀左我果組去比賽...即係又要present 多一次...>< 好就好在present 多次就出左局...唔係佢個時間就會搞到我唔駛讀final...

去到huma 148, 好開心可以同sammuel, sally 兩位師兄姐同組...學到好多野~^^個project 仲好高分tim!

d course 都講到7788啦...去到final, 而家d grade 都唔係出左好多, 成績麻麻, 不過都由佢啦..ha

不得不提既係今年係belongs to manchester united! 捧左佢8年, 佢終於都可以拎到歐冠杯!做到雙冠王..佢仲要係我考第一科final 之前幾個鐘捧杯, 真係high 爆呀! 正如simon 咁講, 睇住雙冠王既誕生, final 炒晒都抵呀!!!!ha~係ust其實都搵到好多支持man utd 既fans, 就連我補習既學生都係...man utd 得左, 我地真係好high ,haha~^^

呢個sem 好似好多野做, 但係好開心, 學到好多野, 希望year 2 ,我會學到更加多pro d 既野, 同埋要玫加充實!!加油!

Glory Glory Man United!!!

感動,開心,興奮....呢一堆形容詞已經唔可以用黎形容我而家既心情..

曼聯1:0力克巴塞..晉身決賽, 呢一刻..我等左好耐啦!!!

係呢場波, 每一個球員都盡全力去打, 特別係星仔, 迪維斯!!佢兩個真係全場奔跑,有跑不完既氣力!!

仲有就係布朗, 雖然我之前真係覺得佢好唔掂, 但係尋晚佢係defense 果度做得好好, 好似上左身咁

至於最重要既就係Paul Scholes. 講真, 除左傑斯之外, 佢都有份令我鐘意曼聯..我鐘意佢果一種低調同冷靜既性格!!係球場上, 佢每一次都會望通晒成個球場先交波 ,可能有d 人會話佢慢, 但係事實上, 曼聯已經有咁多係咁跑既人, 我地冇咩必要去要求佢都跑得多, 踢得快..

我enjoy 既係睇佢踢波既風格, 同埋睇佢既攻, 守!! 我唔敢講佢場場都可以好似尋日踢得咁好, 但係我唔希望有d球迷, 只係睇一兩場,之後就係咁話Scholes ..佢一定唔係咁差!!!

仲記得Scholes 講過, 『如果曼聯可以入到final, 我唔會用人情黎換一個正選位,我會靠自己既實力』而家, 佢用一記世界波, 親手令自己進入決賽!!!

係尋晚, 就當係scholes 把握到沙維既一個錯誤, 射入左一個世界波之後, 我既第一個反應係...呆左兩秒, 之後嗌左出黎, 我都未試過咁late睇波都會叫左出黎架..之後仲要好似癲左咁,係手上既枕頭都掉左落地下...好興奮! 但係就係個入波之後, 就驚足左差唔多80 分鐘既時間...心跳差唔多去到200/min...

好彩最後都保到不失! 9年啦, 我等左9年, 曼聯第3次打入歐聯決賽! 係完場果一刻我真係好感動,差d 喊左出黎...

尋晚場波, 可能會有好多人都會覺得好悶, 但係我就覺得好好睇, 除左係因為對賽既呢兩隊都係世界上好偉大既球會, 仲有既就係呢兩隊波既臨場表現, 高手過招, 好似黃興貴咁講, 真係好似捉棋, 一步一步咁去, 好正~~^^而且巴塞亦都係打得好好, 比左場好波比大家睇.巴塞, 果然係一個好值得專重既對手, 我認為大家係討論曼聯點晉級既同時, 都讚揚巴塞佢地既表現 !

22/5 就會係決賽既日子, 對手可能會係利物浦, 可能係車路士, 我希望對手會係liverpool!

因為係英超, 曼聯既對手只有一個就係利物浦,而唔係車路士, 阿仙奴!!!

I believe! We believe!

ps: 唔知點解, 呢一年好似特別多人死, 係伍晃榮死左之後, 柏楊亦都與世長辭.....雖然我只係睇過佢既一本書, 醜陋的中國人..但係,我真係佩服佢,佩服佢既勇氣 , 不畏強權, 表達自己既思想!如今, 佢離開了..真係令人感到可惜..><

有人話我成日都唔打xanga , 而家就打下啦,哈

係岩岩過左既星期二, 我做左一d 從未做過既事, 就係去左聽容祖兒既concert.

個現場氣氛真係好激, 好多fans 係度大嗌,好嘈^^"

之後..竟然係weekend 既時候先黎打風..無奈....諗住有波踢架><

到左今朝,一起身就見到冇落雨, 即刻call 晒班friends 出黎踢波!!we love football

由10點半踢到4點幾5點, 都好耐冇試過踢得咁耐~好爽呀!!!

踢完就同朋友們傾左好耐計, 又講game, 又講波,又講我地以前係鄉中既時..

同佢地講番, 真係勾起好多回憶, 而家諗番都覺得自己好幼稚..但係每當有一班人,一齊都好幼稚,

一齊做埋d低能野既時候, 先至係最開心~~

之後又講起老師們, 以前成日都覺得d老師好衰, 但係而家諗番, 黎sir 講既野係冇錯架..

最差既老師, 唔會係中學, 而係係大學...係大學我真係見到好多差既professors...

我地傾到成7點,真係好開心...

朋友..我地而家好多時都係踢波先睇到面..但係你地都係我生命之中扮演住重要既角色

家人, 朋友, 足球, 曼聯, 仲有就梗係helen 啦, 你地都係我既生命!!!!!!

冇左其中一個, 我都會捱唔住架! 

                                     Love you all!

忙......已經忙左好多個星期,其實自從mid- semester break..我個schedule 都係滿架....

每一日都係比assignments, mid-terms , tests ,projects, present 充斥....想搵d 時間做第二d 野都唔得><

自己又join 左個engineering 既student ambassador program, 遲d 會到元朗宣傳 engineering ...

講真,我真係想d 人唔好再睇小engineering,仲有呀!!!唔好再當 engineer 係做地盤or 做裝潢!! 工程師對一個社會既貢獻一定唔會比企業家, 商家細...冇工程師,我地係唔會有而家咁好既生活!!!!

雖然讀engineering的確係冇讀商出黎既搵咁多錢,但係我相信每一個讀過engineering 既人都知道, 係讀engineering 既時候, 我地學到既唔係淨係一d 專業知識!!!仲有就係改善我地既思考方式, 令我地諗野更有條理!!!!

唔該唔好再對engin 既人有偏見!!!!

哈~無錯, 我而家真係好鐘意engineering! 雖然d equations , problems既繁複程度同埋佢既workload 有陣時會令我會吃不消,但係我真係好鐘意係engineering 學到既思維!!!

無錯!我就係鐘意chem eng 多過bba!!!

講到好似有少少離題tim^^" 但係以上既都係我apply 去做chem eng ambassador 既原因!

除左later 會係元朗宣傳, 5 月中都會有一個mass section,我都要負責去搞,希望到時順利啦^^

尋晚3點起身睇歐聯, 好耐都冇咁既動力去睇...好彩曼聯都冇令我失望, 晉級啦!!!!而家去到4強...超開心呀!!!連續兩年打到入四強!!!!勁!

之後既對手會係巴塞隆納...聽到都驚...不過我相信曼聯!佢一定會努力爭入決賽架!!!!!

加油~~~~~~~

聽日又要mid-term~~mid-term period 有成一個月~@@